Data:
07.10.2025.
Ora:
20:00
Info
Regjinë e shfaqjes “Në kërkim” (Ano rodipe) e ka bërë Mahir Musliut, bazuar në veprën e dramaturgut gjerman, Bertolt Brecht.
Shfaqja “Në kërkim”, është një vepër kryesore teatrore nga dramaturgu me famë botërore, Bertolt Brecht, shkruar në vitin 1938. Shfaqja, siç shkruhet në njoftimin e Teatrit “Nexhip Menekshe”, përshkruan jetën e përditshme nën regjimin nazist, duke theksuar frikën, propagandën dhe represionin sistematik të kudondodhur.
“Shfaqja paraqet një tablo realiste që tregon se si jeta e zakonshme nën nazistët përshkohej në mënyrë delikate nga dyshimi dhe ankthi”- thuhet në njoftimin e Teatrit “Nexhip Menekshe”.
Shfaqja do të realizohet në gjuhën rome.
Kjo shfaqje do të jetë në repertor të rregullt të Teatrit “Bekim Fehmiu”.
Teatri “Nexhip Menekshe” ka njoftuar se realizmin e kësaj shfaqjeje e ka bërë bashkë me aktorë të gjeneratave të ndryshme, si: Daut Qulangjiu, Avdi Misini dhe aktorë të Ansamblit të këtij Teatri.
Realizimi i shfaqjes “Në kërkim” është mbështetur nga Ministria e Kulturës dhe ndihmuar në aspektin teknik nga Teatri i Qytetit të Prizrenit “Bekim Fehmiu”.
